गण्डकी — तेस्रो टाइगर कप भलिबल प्रतियोगिताको उपाधि गण्डकी प्रदेशले जितेको छ । शनिबार पोखरा रंगशालाको भलिबलकोर्टमा गण्डकीले विभागीय टोली नेपाल एपीएफ क्लबलाई प्रतिस्पर्धात्मक खेलमा ३–२ सेटको हराउँदै उपाधि जितेको हो । गण्डकीलेदोस्रो पटक टाइगर कप भलिबलको उपाधि जितेको छ । गण्डकी पहिलो संस्करण विजेता हो ।

पहिलो सेट २५–१६ ले गुमाएको गण्डकीले दोस्रो सेट २५–१८ ले आफ्नो पक्षमा पार्दै पुनरागमन गरेको थियो । त्यसपछिको सेट पनिगण्डकीले २५–१९ ले जित्यो । चौथो सेटमा एपीएफले २८–२६ ले बाजी मारेपछि खेल पाँचौं तथा निर्णायक सेटमा पुग्यो । निर्णायकसेटमा गण्डकीले १५–८ ले आफ्नो पक्षमा पार्‍यो । खेल केहीबेर तनावपूर्ण भएको थियो । पुरुषतर्फ नेपाल पुलिसले त्रिभुवन आर्मीक्लबलाई तेस्रो स्थान हात पारेको छ । पुलिसले २२–२५, २५–१८, २५–२१, २५–२० को सेटमा हरायो ।

महिलातर्फ नेपाल एपीएफ क्लबले जितेको छ । एपीएफले त्रिभुवन आर्मी क्लबलाई ३–१ को सेटमा हराएको थियो । एपीएफले २५–२०, २१–२५, २५–८, २५–२२ ले नतिजा निकालेको थियो ।

दुवैतर्फका विजेताले ५–५ लाख रुपैयाँ तथा उपविजेताले समान २ लाख ५० हजार पुरस्कार पाए । तेस्रो भएका पुलिस र न्यु डायमण्डलेसमान १ लाख २५ हजार पाए । सान्त्वना स्थान हासिल गरेका आर्मी र गण्डकीले ६५ हजार रुपैयाँ प्राप्त गरे ।

सरस्वती र रवि सर्वोत्कृष्ट

एपीएफकी सरस्वती चौधरी महिलातर्फ सर्वोत्कृष्ट बनेकी छन् । उनको प्रदर्शनमा एपीएफले उपाधि जितेको थियो । सरस्वती फाइनलमात्रिभुवन आर्मीसँग खेल्दा उत्कृष्ट खेलाडी पनि चुनिइन् । पुरुषतर्फ सर्वोत्कृष्ट खेलाडी गण्डकीका मुख्य स्पाइकर रवि केसी भए । दुवैलेजनही २५ हजार पुरस्कार पाए ।

प्रतियोगितामा उत्कृष्ट सेटर न्यु डायमण्डकी प्रगति नाथ र गण्डकीका विवश आले भए । उत्कृष्ट सर्भरमा अरुणा शाही र घनश्यामचौधरी, उत्कृष्ट ब्लकरमा संगम महतो र गण्डकीका विदेशी खेलाडी नितिन, उत्कृष्ट लिबेरोमा आर्मीकी सरस्वती जैसी र एपीएफकाविनोद चन्द, उत्कृष्ट स्पाइकर एपीएफकी निरुता ठगुन्ना र एपीएफकै टेकराज अवस्थी चुनिए । उत्कृष्ट प्रशिक्षकमा गण्डकीका रमेशकेसी र महिलातर्फ एपीएफका महेश चौधरी घोषित भए । विधागत उत्कृष्टले जनही १० हजार रुपैयाँ पाए ।