काठमाडौँ — नेपाली राष्ट्रिय क्रिकेट टिमले जितका लागि यति धेरै हतारो कहिल्यै गरेको थिएन । पपुवा न्युगिनीले तेर्स्याएको लक्ष्यजम्माजम्मी ९६ रनको थियो । त्यही लक्ष्य पछ्याउने क्रममा नेपालले जितसम्म पुग्न ७.४ ओभरमात्र उपयोग गर्‍यो । 

लक्ष्य त १० विकेटको जित थियो । तर, ९ विकेटको जित पनि कम रहेन । एकदिवसीय अन्तर्राष्ट्रिय क्रिकेटमा नेपालको यो विकेटकोआधारमा सबैभन्दा ठूलो अन्तरको जित हो । यससँगै नेपाल एकदिवसीय विश्वकपको ग्लोबल छनोट नजिक पुगेको छ ।

यो हो, आईसीसी पुरुष क्रिकेट वर्ल्डकप लिग–२ मा नेपालको अन्तिम दोस्रो खेलको पटकथा । कीर्तिपुरस्थित त्रिवि क्रिकेट मैदानमाप्राप्त यस जितपछि नेपाल ग्लोबल छनोटबाट एकै जितमात्र टाढा छ । नेपालले अब बिहीबार प्रतियोगिताकै अन्तिम खेलमा यूएईकोसामना गर्नेछ । यो नेपाली क्रिकेट इतिहासकै सबैभन्दा ठूलो र महत्त्वको खेल हुनेछ । कुल ७ टिमसम्मिलित प्रतियोगितामा नेपाल चौथोस्थानमा छ । खातामा अंक छ ३८ ।

नेपालभन्दा ठीक माथि छ नामिबिया । उसको ३९ अंक छ । नेपालले नामिबियालाई उछिनेर तेस्रो स्थानमा उक्लनुपर्नेछ । त्यसैले ग्लोबलछनोटमा प्रवेश पाउन नेपाललाई निश्चित जित आवश्यक पर्नेछ । जितबाहेक अन्य विकल्पबारे नेपालले सोच्न सक्ने छैन । अघिल्लो दिननेपालले यूएईलाई हराएर आफ्नो एकदिवसीय टिमको मान्यता जोगाएको थियो । अब नेपालले यूएईमाथि जितका लागि अर्जुनदृष्टिलगाउन सक्नेछ ।

त्यसको ठीक अगाडि पपुवा न्युगिनीमाथि प्राप्त एकपक्षीय जितले नेपालका लागि ग्लोबल छनोटसम्म पुर्‍याउने बाटोको काम भने गरेकोछ । यो आफैंमा धेरै कीर्तिमानी जित रह्यो, त्यसैले यो खेल पनि धेरै पछाडिसम्म सम्झनामा रहनेछ । यो नेपालको लगातार पाँचौं जितहो । फेब्रुअरी १४ मा नामिबियालाई कीर्तिपुर मैदानमै हराएयता नेपालले खेलेका ११ खेलमा दसौं जित हो । यही उत्कृष्ट लयलेनेपाललाई ठूलो सपना देख्न प्रेरित गर्नेछ ।

पीएनजीको कमजोर ब्याटिङ

अंक तालिकाको पुछारमा रहेको पपुवा न्युगिनी (पीएनजी) ले टस हारेर ब्याटिङ निम्तो पाएको थियो । यसक्रममा पूरा टिम ३२ओभरमात्र टिक्न सक्यो । टिमले यति ओभर उपयोग गरेर बोर्डमा चढाएको रनस्कोर भने ९५ मात्र थियो । टोलीको स्कोर कार्ड निकैउदेकलाग्दो रह्यो । माथिल्लो क्रममा चार ब्याटरले मात्र दोहोरो अंक छोए । बाँकी ब्याटर भने क्रिजमा आए र एकैछिनमै पेभेलियन फर्कनबाध्य रहे । पपुवा न्युगिनीले अन्तिम ५ विकेट १६ रनमा गुमाएको थियो ।

कप्तान असाद भालाको २० रन नै सर्वाधिक ठूलो व्यक्तिगत स्कोर रह्यो । सेसे बाउले १८, चार्ल्स एमिनीले १६ र हिरी हिरीले १४ रनबनाए । खेलपछि कप्तान भालाले माने, आफ्नो टिमको ब्याटिङ निकै कमजोर रह्यो । उनले भने, ‘ब्याटबाट हाम्रो प्रदर्शन निकै कमजोरभयो ।’ टिमको यही प्रदर्शनले पनि देखाउँछ, पीएनजी किन ७ टिममध्ये सबैभन्दा पुछारमा रह्यो र उसले ३५ खेलमा बटुलेको अंक किन११ मात्र रह्यो भनेर ।

नेपालका लागि सन्दीप लामिछानेले २५ रन खर्चिएर ५ विकेट लिए । उनी प्लेयर अफ द म्याच भए । कुशल मल्ल र ललित राजवंशीलेसमान दुई विकेट लिए । सोमपाल कामीको नाममा एक विकेट रह्यो । पोस्टम्याचमा नेपाली टोलीका कप्तान रोहित पौडेलले यस जितमाखुसी व्यक्त गरे । स्लो लेफ्ट आर्म अर्थोडक्स ललितले पनि आफ्नो प्रदर्शनमा प्रशन्नता देखाए । उनले भने, ‘एकपछि अर्को खेलमानेपालका लागि महत्त्वपूर्ण योगदान दिन सकेकामा खुसी लाग्छ नै ।’

आसिफको आक्रामक अर्धशतक

कुशल भुर्तेल र आसिफ शेखले जवाफमा इनिङ्स सुरु गर्नेबित्तिकै देखाएको विशेषता हो आक्रामक ब्याटिङ । त्यसक्रममा आसिफलेनेपालका लागि सबैभन्दा तीव्र गतिको अर्धशतक बनाए । उनले २१ बलमै आफ्नो ५० रन पूरा गरे । समग्रमा उनले २१ बलमा ५३ रनबनाए । कुशलले भने १४ बलमा ३३ रन बनाए । नेपालले ३.२ ओभरमै आफ्नो ५० रन पूरा गरेको थियो । यी दुई ओपनरले सजिलै ५१रनको साझेदारी गरेका थिए ।

चाड सोपरको बलमा कुशल एलबीडब्लू भएपछि कुशल मल्ल मैदानमा आए । उनले १२ रन बनाए । सापरले बलिङ गरेको आठौं ओभरगजब नै रह्यो । त्यसमा आसिफले ४ बलमा २० रन जोडे । सुरुमा उनले लगातार दुई चौका प्रहार गरे । त्यसपछि पालो थियो लगातार दुईछक्काको । ‘हामी फरक परिस्थितिमा फरक मनसाय र उद्देश्यले ब्याटिङ गर्छौं,’ खेलपछि आसिफले भने, ‘लक्ष्य कम भएकाले केहीसजिलो भने भयो ।’