काठमाडौँ — सोमबार सेयर बजारको परिसूचक नेप्से २७ अंक बढेको छ । २७.३१ अंक बढेर परिसूचक १८७१ अंकमा पुगेको छ ।कारोबार रकम भने अघिल्लो दिनको तुलनामा घटेको छ । हिजो कुल १ अर्ब १५ करोडको धितोपत्र कारोबार भएकोमा सोमबार ९४करोड ५२ लाखमा खुम्चियो ।                           

जम्मा १६ कम्पनीको मूल्य घट्दा २०१ को बढ्यो । नेप्से मात्रै नभई उपसमूहगत सबै सूचक बढेका छन् । बैंकिङ १६, विकास बैंक ७९, फाइनान्स ३७, होटल तथा पर्यटन ५३, जलविद्युत् ३७, जीवन बीमा ८६, उत्पादन १३९, माइक्रोफाइनान्स ४९, निर्जीवन बीमा ६२, अन्य१७ र ब्यापार उपसमूह २१ अंक बढे ।

कालिन्चोक दर्शनको मूल्य सबैभन्दा धेरै १० प्रतिशत बढ्यो ।

आदर्श लघुवित्तको मूल्य ९.६, सिर्जनशील लघुवित्तको ७.६, युनिक नेपाल र छ्याङदी हाइड्रोको ७.४ प्रतिशत बढ्यो । कारोबार रकमकाआधारमा शिवम् सिमेन्ट, सानिमा मिडिल तमोर, प्रभु बैंक, हिमालयन डिस्टिलरी, नबिल बैंक क्रमशः अगाडि रहे ।