काठमाडौँ — उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठले चिनियाँ निर्माण कम्पनीले ठेक्का पाएकाआयोजना छिटो सक्न आग्रह गरेका छन् । 

मन्त्रालयमा आइतबार नेपालका लागि चिनियाँ राजदूत छन् सोङसँग शिष्टाचार भेटवार्तामा चिनियाँ निर्माण कम्पनीले ठेक्का पाएकामध्येकलंकी–चाबहिल चक्रपथ, नारायणगढ–बुटवल सडक र मुग्लिन–पोखरा सडक विस्तारमा असाध्यै ढिलाइ भएको र त्यसबाट जनतालेसास्ती भोग्नुपरेको भन्दै उपप्रधानमन्त्री श्रेष्ठले चाँडो निर्माण सक्न आग्रह गरेका हुन् ।

राजदूत सोङले टोखा–छहरे सडकको ‘इआइए‘ प्रतिवेदन स्वीकृत गर्नेबित्तिकै चाइनाले थप कदम अगाडि बढाउने, ‘फिजिबिलिटी‘ अध्ययन सकिनेबित्तिकै केरुङ–काठमाडौं रेल्वेको काम अगाडि बढाउने, अरनिको राजमार्गको विस्तार र मर्मतमा सहयोग गर्ने र नयाँपरियोजनाका लागि प्रस्तावहरू आएमा थप सहयोग गर्न तयार रहेको आश्वासन दिएको उपप्रधानमन्त्री श्रेष्ठको सचिवालयले जनाएकोछ ।

यस्तै कलंकी चाबहिल खण्डको केही स्थानमा अझै ‘साइट क्लिएर‘ नभएको र नारायणगढ–बुटवल तथा मुग्लिन–पोखरा सडक निर्माणढिलाईबारे आवश्यक समन्वय गरेर समयमै सम्पन्न गर्न सहयोग गर्ने पनि राजदूत सोङले बताएका थिए । उपप्रधानमन्त्री श्रेष्ठलेसंखुवासभा–किमाथांका नाका खुलाउनेबारे समेत राजदूत सोङको ध्यानाकर्षण गराएका थिए ।

भेटमा दुई देशको ऐतिहासिक सम्बन्धलाई असल छिमेकीका रूपमा अझै प्रगाढ बनाउने, निर्माण र पूर्वाधार अवस्था एवं संभावनाबारेमहत्वपूर्ण छलफल भएको उपप्रधानमन्त्री श्रेष्ठको सचिवालयले जनाएको छ ।