संस्कृतिको उत्थान, इतिहासको संरक्षण र नागरिकको स्वाभिमान । सुशासन, सेवा र विकास मार्फत उत्कृष्ट वडा निर्माण हाम्रो अभियान॥

बूढानीलकण्ठ नगरपालिका – १०, को आयोजनामा सार्वजनिक सुनुवाइ कार्यक्रम सम्पन्न भएको छ । सुशासन, पारदर्शिता  रजवाफदेहिता ,  बूढानीलकण्ठ  नगरपालिका  वडा नं १०  को  प्रतिबद्धता  भन्ने ध्येयलाई  अंगिकार गर्दै जेष्ठ १३  गते बूढानीलकण्ठनगरपालिका  वडा नं  १०  द्वारा  आयोजित सार्वजनिक  सुनुवाइ कार्यक्रम सम्पन्न भएको छ  ।

बूढानीलकण्ठ नगरपालिका –१०  का  वडा  अध्यक्ष  नवराज भट्टराईको अध्यक्षतामा  सम्पन्न  उक्त  कार्यक्रमको प्रमुख आतिथ्यतानगरप्रमुख मिठाराम अधिकारीद्वारा भएको थियो , साथै विशिष्ट अतिथिको रुपमा नगर उपप्रमुख  अनिता लामा तथा  वडा नं. ६ का वडाअध्यक्ष रवि खड्का लगायतका व्यक्तिहरु अतिथिको रुपमा उपस्थित हुनुहुन्थ्यो । वडा  सचीव,  वडा सदस्यहरु  र बूढानीलकण्ठनगरपालिका –१० का  करिब  ३०० नागरिकहरुको उपस्थिति रहेको उक्त कार्यक्रममा नागरिकहरुद्वारा वडा र नगरसँग सम्बन्धित विविधप्रश्नहरूको उठान भएको थियो ।

वडाको प्रमुख  समस्याको रूपमा  रहेको खहरे , खानेपानीको समस्या, सार्वजनिक जग्गा  संरक्षणमा  भएको प्रगति ,सडक खाल्डाखुल्डिभएको  स्थिति,  प्रभावकारी  हुन  नसकेको  सडक बत्ति तथा  सिसि  क्यामेरा  जडानको  अवस्था ,  उपयोगी  हुननसकेको  सूचना पाटि, सम्पदा संरक्षण , रुद्रमति सरसफाइ  , खेलकुद कार्यक्रम, एकेडेमि स्थापना , स्वास्थ्य बिमा सुचारु सन्दर्भमा साथै फुटपाथ नियन्त्रण , सिद्देश्वर वृहत् योजना कार्यान्वयन ।  बाढी नियन्त्रण र वडा भवन निर्माण लगायतका विषयहरुको उठान उपस्थित नागरिकहरुद्वाराभएको थियो भने तत् प्रश्नहरुको  जवाफ वडा  अध्यक्ष  नवराज भट्टराई तथा  नगर  प्रमुख  मिठाराम  अधिकारीले दिनुभएको  थियो ।

साथै उहाँहरुले विविध प्रतिवद्धताहरु समेत व्यक्त गर्नुभयो । जसमा खानेपानीको समस्या समाधानको लागि अनुदान प्रदान गर्दै रिचार्जिङगर्ने सम्बन्धमा, स्वास्थ्य बिमा सम्बन्धमा ,  खहरेको वास्तविकता , रुद्रमति सरसफाइको अवस्था, सार्वजनिक जग्गा संरक्षण र उपभोग ,  खेलकुद प्रतियोगिता – एकेडेमि स्थापना , वडा भवन समयमै सम्पन्न हुने सम्बन्धमा लगायत थुप्रै प्रश्न उपर जवाफ दिदै  आवश्यक बजेटवडा र नगरपालिकाले विनियोजन गर्ने,सार्वजनीक जग्गा संरक्षण कार्यदललाई जिम्मेवारी दिने,ढल, बाढी नियन्त्रणको लागी सामुहिकधारणा बनाएर योजना  तय गरीने  लगायत विविध प्रतिवद्धताहरु व्यक्त भएका थिए ।

वडा कार्यालय नजिकै रहेको मिलनचोक पार्टि भेन्युमा सम्पन्न भएको थियो , उक्त कार्यक्रमको सन्चालन रविन्द्र ढुंगेलद्वारा भएको थियो। बूढानीलकण्ठ  नगरपालिका  –१०  को  सार्वजनिक  सुनुवाई  कार्यक्रम  विचार विन्यास नेटर्वकबाट जेष्ठ १३ गते प्रसारण भएको थियो।