गोकर्णेश्वर नगरपालिका नगरस्तरिय जनजाति संयोजकमा कांग्रेस नेता फुर्साङ लामा तामाङ नियुक्त हुनुभएको छ । भाद्र १८ गते नगरप्रमुख दिपक कुमार रिसाल तथा नगर उपप्रमुख सान्नानी लामाद्वारा नियुक्तिको पत्र हस्तान्तरण गरिएको हो ।

जनजाति हक , अधिकारको लागि लामो समयदेखि अनवरत योगदान गरिरहेका लामालाई उक्त नियुक्ति प्रदान गरिएको हो ।सामाजिक सन्जालमा एक पोष्ट गर्दै लामाले जनजातिको चौतर्फी उत्थान तथा विकास गर्ने आफ्नो दृढ इच्छा र चाहनालाई योनियुक्तिले उर्जा थपेको उल्लेख गर्दै   नगर प्रमुख रिसाललाई धन्यवाद दिनुभएको छ ।