काठमाडौं महानगरपालिका वडा नम्बर १५ को आयोजनामा विभिन्न मितिमा सम्पन्न भएका ; एक महिने साइकल प्रशिक्षण , बुनाइतालिम , झोल साबुन बनाउने तालिममा सहभागी तथा प्रशिक्षकहरुलाई प्रमाणपत्र  वितरण कार्यक्रम सम्पन्न भएको छ ।

काठमाडौं महानगरपालिका वडा नम्बर १५ को विशेष आयोजना तथा स्वयम्भू डल्लु साइकल पुच: को सहआयोजनामा सन्चालन भएकोउक्त कार्यक्रमको अध्यक्षता स्वयम्भू डल्लु साइकल पुच: का अध्यक्ष माचाकाजि महर्जनज्युले गर्नुभएको थियो । कार्यक्रममा प्रमुखअतिथिको रुपमा पूर्व संस्कृति पर्यटन तथा नागरिक उड्डयन मन्त्री जीवनराम श्रेष्ठ हुनुहुन्थ्यो भने विशिष्ट अतिथिको रुपमा काठमाडौंमहानगरपालिका वडा नम्बर १५  का वडा अध्यक्ष ईश्वरमान डंगोल हुनुहुन्थ्यो । अतिथिहरुमा काठमाडौं महानगरपालिका वडा नम्बर १५  वडा सदस्य तथा कार्यपालिका सदस्य मैयाँ लक्ष्मी श्रेष्ठ , वडा सदस्य अप्सरा खत्री लगायत जनप्रतिनिधि, विभिन्न विधाका प्रशिक्षकहरु, डल्लु आवासिय विद्यालयका प्राचार्य लगायत विशिष्ट व्यक्तिहरुको उपस्थिति रहेको थियो ।

डल्लु आवासिय विद्यालयमा भएको उक्त कार्यक्रममा काठमाडौं महानगरपालिका वडा नम्बर १५  वडा सदस्य तथा कार्यपालिका सदस्यमैयाँ लक्ष्मी श्रेष्ठले स्वागत मन्तव्य दिनुभयो । पूर्व मन्त्री श्रेष्ठले वडाले गरेको कामको प्रशंसा गर्दै , महिलाहरुलाई साइकल चलाएरस्वस्थ भइ एउटा छुट्टै परिचय राख्न सुझाव दिनुभयो । काठमाडौं महानगरपालिका वडा नम्बर १५ वडा अध्यक्ष ईश्वरमान डंगोललेमहिलाहरुलाई स्वास्थ्यमा ख्याल गरेरै यसखाले कार्यक्रम आयोजना गरिएको बताउनुभयो । उहाँले बुनाइ तालिम मार्फत महिलाहरुउद्यमशिल हुने विश्वास व्यक्त गर्नुभयो ।

साथै वडाद्वारा सन्चालन भएका कार्यक्रमहरुबारे अन्यलाई पनि जानकारी गराउन सुझाव दिनुभयो ।  कार्यक्रममा प्रशिक्षक तथाप्रशिक्षार्थीहरुले अनुभव प्रस्तुत गर्नुभयो । साथै तालिममा अध्यक्ष ईश्वरमान डंगोलद्वारासहभागीहरुलाई  प्रमाणपत्र वितरण गर्नुभयो ।